მტვრის და ნათალის მოშორება

ზოგიერთი მასალის მტვერი (მაგალითად, ტყვიის შემცველი საღებავი, ზოგიერთი ხის მასალა, მინერალები და ლითონები) შეიძლება იყოს ჯანმრთელობისთვის საზიანო. მტვერთან შეხებამ და სასუნთქ გზებში მისმა მოხვედრამ შეიძლება გამოიწვიოს ოპერატორის ან მასთან ახლოს მყოფი პერსონალის ალერგიული რეაქციები და/ან სასუნთქი გზების დაავადებები.
მტვრის გარკვეული სახეობები, მაგალითად, მუხა და წიფელი, განიხილება კანცეროგენად, განსაკუთრებით ხის დამუშავების დანართებთან ერთად (ქრომატი, ხის დაცვის საშუალება).აზბესტის შემცველი მასალის დამუშავება დაავალეთ მხოლოდ სპეციალისტებს.

• შეძლებისდაგვარად, გამოიყენეთ ამ მასალისთვის შესაფერისი მტვრის მოცილების სისტემა.
• კარგად გაანიავეთ სამუშაო ადგილი.
• რეკომენდებულია რესპირატორული ნიღაბის გამოყენება P2 კლასის ფილტრით.

დაიცავით თქვენს ქვეყანაში მოქმედი რეგულაციები დასამუშავებელი მასალებისთვის.

მტვრის და ბურბუშელას ხვრელი შესაძლოა გაჭედილი იყოს მტვერით, ბურბუშელათი ან ნამზადის ფრაგმენტებით.

• გამორთეთ ელექტროხელსაწყო და გამოაერთეთ ელექტრო კვების კაბელის შტეფსელი როზეტიდან.
• დაელოდეთ, სანამ სახერხი დისკი ბოლომდე არ გაჩერდება.
• გამოავლინეთ ბლოკირების მიზეზი და აღმოფხვერით ის.

• აალების საფრთხის თავიდან აცილების მიზნით ალუმინის ხერხვისას გაავლეთ ნახერხის გამოსასვლელი მილყელი და არ გამოიყენოთ გამწოვი.

ნახერხის გამოსასვლელი მილყელის გავლება (იხ. სურ. i)

ნამზადის ნამტვრევების და მსხვილი ნათალის მოსაშორებლად შეგიძლიათ გაავლოთ სახერხი დისკის ქვედა დამცავი ბუდე (52).

• გამორთეთ ელექტროხელსაწყო და გამოაერთეთ ელექტროკვების კაბელის შტეფსელი როზეტიდან.
• დაელოდეთ, სანამ სახერხი დისკი ბოლომდე არ გაჩერდება.
• გადააბრუნეთ ელექტროხელსაწყო გვერდზე.
• მოუშვით სამაგრი ხრახნები (53) და გახსენით სახერხი დისკის ქვედა დამცავი ბუდე (52).
• მოაშორეთ ნამზადის ნამტვრევები და ნათალი.
• დახურეთ სახერხი დისკის ქვედა დამცავი ბუდე და ისევ მიახრახნეთ.
• ჩააყენეთ ელექტროხელსაწყო სამუშაო მდგომარეობაში.

მტვერსასრუტის გარე სისტემა (იხ. სურ. j)